هتندم

موضوع جرئ جدا بحييك عليه يامحمد
بس بجد بعيد عن حكاية الى تحب قبل جوزها مش فاهمه قصدك
يعنى الى تحب اى حد وتسيبه وبعدين تتجوز واحد تانى بسبب اى ظروف
ولا تحب واحد تانى ففترة الخطوبه بشخص غيره
ولا تحب واحد وهيا متجوزه

اعتقد لو تقصد الحاله دى تبقه خيانه والعياذ بالله
انما الحب لولاه مكناش عشنا لحظه واحده
الحب بجد احلى حاجه فالدنيا
احساس جميل جدا لما تحس ان فى حد مهتم بيك وانت مهتم بيه
ان فى حد ممكن يفديك بروحه وعمره ان انت مسئول عن حد
ان انت سعادة وفرحة حد ان فى حد حياته وقفت عليك
الحب بجد بحر
ليه بداية بس والله ملوش نهايه حتى بعد الفراق لو حصل الحب مبنتهيش عمره
المهم عشان نستمتع بالحب نعرف

نحب مين ونحبه امتى ونحبه ليه؟
يعنى نحب حد محترم وعاقل رزين لو بنت يبقه اكبر منها فالسن لان ده الطبيعى
نحبه فوقت ينفع نحب فيه يعنى منكنش عيال مراهقين ونقول اه بنحب لا طبعا
مش هنبقه مقدرين ايه حب
اهم حاجه نحبه ليه؟؟؟؟؟؟؟؟؟؟؟؟؟؟؟؟؟

كتير بيحب عشان هدف معين وده غلط
يعنى الى يحب حد عشان هو جميل اوى ووسيم
والى يحب عشان ابوه غنى وعنده فلوس وعربيه
والى يحب عشان ماديات واسباب ماديه كتير
ده مش حب ده استغلال باسم الحب

الحب عشان يعيش لازم يبقه حب الروح
لان الجسد فانى عشان تبقه تقدر تقول اه بحب بجد

يبقه تحب الشخص ده بكل حاجه فيه عيوبه قبل مميزاته
وتسامحه ع اخطاءه مش تتلكك ليه ع اى حاجه


وحكاية ان الحب الاول هو الحقيقى
انا مش مع كده خااااااااااالص

ممكن يكون الحب الاو ل وهم كدب وغش وخداع
نصيبك كده
يجى بعده شخص تانى تحبه يبقه تانى شخص تحبه
بس تحس من جواك انه الحب الاول
انك اول مره تحب


وعن نفسى انا بحب وقريب هعزمكو ع خطوبتى ان شاء الله بالانسان الى بحبه
وبجد انا مبسوطه لان كل الحواجز الى بنا اتشالت واكيد ده هيساعدنا فحياتنا الى جايه
زى اى اتنين بيحبوا بعض بيبقه بنهم تفاهم ونقاش وخوف واهتمام

انما لو بعد الشر محصلش نصيب وارتبط بانسان تانى
هصدقنى هخليه زكرى منسيه
عشان اقدر احب الى ربنا قسمهولى
يعنى مش عشان بحب واحد وبحلم اكمل معاه عمرى بس ربنا مش رايد ده يحصل وهو عارف ان نصيبى واحد تانى
وطبعا ده بايد ربنا واتجوزت واحد تانى افضل احب الانسان الاولانى الى كنت بحبه وانا متجوزه
لا طبعا ده اسمه خيانه
ساعتها هحاول انسا واحب جوزى الى ربنا كاتبهولى لانه اعلم منى بالخير ليا

يعنى محدش عارف نصيبه فين
ياترى نصيبى الانسان الى بحبه ياريت يبقه كده خير اوى
لو نصيبى غيره برده خير


واسفه ع الاطاله